AQSh-ta mekteptiń 150 oqýshysy men muǵalimderi ıis tıip, gazdan ýlanyp qaldy
ASTANA. QazAqparat - Amerıkandyq Illınoıs shtatynda gazdan ıis tıip, jappaı ýlanyp qalýy saldarynan oqýshylar men muǵalimder orta mekteptiń ǵımaratynan kóshirildi, dep habarlady RBK NBC News saıtyna silteme jasap.
Oqıǵa jergilikti ýaqytpen tańǵy 8:45 shamasynda boldy. 150 oqýshy men muǵalimnyń gazdan ıis tıip, ýlanyp qalǵany anyqtaldy. 60-qa jýyq adam jedel járdem mashınasymen jergilikti aýrýhanalarǵa jetkizildi.
Mektep dırektorynyń málimdemesine qaraǵanda, oqıǵa kezinde kampýsta shamamen 640 oqýshy bolǵan. Oqýshylar men qyzmetkerler áýeli shirkeýge shyǵaryldy. Odan keıin ýlaný belgili baıqalǵan stýdentter men oqytýshylardy medıtsına qyzmetkerleri aýrýhanalarǵa jetkizdi.
Kommýnaldyq qyzmet shuǵyl gazdy aıyrdy, biraq ta gazdyń shyǵýy anyqtalmady, dedi mektep ókili. Seısenbi kúni mektep jabyq bolady.
