AQSh-ta mektepte atys bolyp, úsh bala qaza tapty
NEShVILL. QazAqparat - Dúısenbi kúni AQSh-tyń Tennessı shtatyndaǵy hrıstıan mektebinde atys bolyp, kem degende úsh bala qaza tapty, dep habarlady bılik ókilderi. Shabýyldaýshyny polıtseıler atyp óltirdi, dep habarlaıdy QazAqparat VVS aqparat agenttigine silteme jasap.
Polıtsııa málimetinshe, oqıǵa Neshvıldegi Berton-Hıllz býlvarynda ornalasqan mektepte bolǵan. Shaqyrý boıynsha kelgen polıtseılermen atys kezinde qylmysker qaza tapty.
Medıtsınalyq ortalyqtyń ókili oqqa ushqan úsh bala aýrýhanaǵa jetkizilgenin habarlady. NBC News málimetinsheǵ olardyń úsheýi de aýrýhanaǵa jetkenshe qaıtys bolǵan. Qurbandar men shabýyldaýshynyń aty-jóni, jasy jarııalanǵan joq.
Oqıǵa oryn alǵan Neshvıldegi mektep altynshy synypqa deıingi oqýshylarǵa arnalǵan jeke hrıstıan mektebi, onda balalar shamamen 11-12 jasqa deıin oqıdy. Mektep saıtyndaǵy málimetke sáıkes, onda 200-ge jýyq oqýshy bar.Education Week málimetinshe, tek bıylǵy jyly AQSh-ta 12 mektepte atys bolyp, kisi ólimi nemese jaraqat alý deregi tirkelgen.2023 jyly 14 aqpanda AQSh-taǵy Mıchıgan ýnıversıtetinde atys bolyp, keminde úsh adam qaza taýyp, bes adam jaraqat alǵan. Atys jasaǵan er adam kóp uzamaı óz-ózine qol jumsady.17 aqpanda AQSh-tyń Mıssısıpı shtatyndaǵy Arkabýtla shaǵyn qalasynda qarýly er adam óziniń burynǵy áıeli men taǵy bes adamdy atyp óltirdi. Bul jyl basynan bergi 73-shi jappaı atys boldy («Qarý qoldanyp zorlyq-zombylyq tanytý» muraǵaty, GVA zertteý tobynyń málimeti).2022 jyldyń 27 mamyrynda Tehas shtatynyń ıÝvald qalasyndaǵy mektepke jasalǵan qarýly shabýyldan 19 oqýshy men eki muǵalim qaza tapty.
