AQSh-ta mektep oqýshysy eki synyptasyn jaralap, keıin ózine qol saldy

ASTANA. KAZINFORM —  Sársenbi kúni 16 jastaǵy oqýshy AQSh-tyń Kolorado shtatyndaǵy Denver qalasynyń batysyndaǵy taýly aımaqta ornalasqan Evergreen High School mektebinde oq jaýdyrdy, dep habarlaıdy Sınhýa.

Djefferson okrýgi sherıfiniń keńsesiniń ókili Djekı Kellıdiń aıtýynsha, jasóspirim eki oqýshyǵa tapanshadan oq atyp, keıin qarýdy ózine baǵyttaǵan.

Jaralanǵandardyń biri aýyr jaǵdaıda ekeni belgili boldy, al ekinshisi ómirine qaýip tóndirmeıtin jaraqat alǵan.

Atystyń sebebi ázirge anyqtalmaǵan.

Qazir tergeý amaldary júrgizilip jatyr.

Osyǵan deıin AQSh-tyń Merılend shtatynyń Baltımor aýdanynda atys bolyp, keminde 6 adam zardap shekkenin jazǵan edik.