AQSh-ta mektep avtobýsy aýdaryldy
ASTANA. QazAqparat - Búgin Amerıkanyń Merılend shtatynda mektep avtobýsynyń aýdarylýy saldarynan bes adam zardap shekti. Bul týraly Sınhýa agenttigi jergilikti polıtsııa qyzmetine silteme jasap habarlady.
Avtobýstyń 50 jastaǵy júrgizýshisi Tıra Indıa Ýılkoks jergilikti ýaqytpen shamamen saǵat 07:00 kezinde 29-ynshy tas jolǵa shyǵa beriste kólik quralyna ıe bola almaı qalǵan.
Avtobýs aýdarylǵan, keıin oǵan ózge kólik soǵylǵan. Saldarynan 15 jastaǵy mektep oqýshysy men úsh eresek adam zardap shekti. Olardyń ómirine qaýip joq.
