AQSh-ta mektep avtobýsy apatqa ushyrap, 18 bala zardap shekti

ASTANA. QazAqparat – Kentýkkı shtatynda mektep avtobýsy apatqa ushyrap, 18 bala men júrgizýshi túrli dárejede jaraqat aldy, dep habarlaıdy QazAqparat SBS News-ke silteme jasap. Jol-kólik oqıǵasy Magoffın okrýgi aýmaǵynda bolǵan.

Avtobýs Salersvıll qalasyna qaraı kele jatqan kezde joldan shyǵyp, aýdarylyp qalǵan. Zardap shekkender tikushaqpen jáne jedel járdem kólikterimen jaqyn mańdaǵy aýrýhanalarǵa jetkizildi. Olardyń arasynda bastaýysh, orta jáne joǵary synyp oqýshylary bar. Polıtsııanyń málimetinshe, oqıǵaǵa basqa kólik quraldarynyń qatysy joq. Mektep avtobýsy qaýipsizdik beldikterimen jabdyqtalmaǵany belgili boldy, sonyń saldarynan kóp adam zardap shekti.

Apattyń sebepteri anyqtalýda, tergeý júrgizilýde.

Foto: edition.cnn.com