AQSh-ta medıtsınalyq ushaq apatqa ushyrap, 4 adam qaza tapty

ASTANA. KAZINFORM — 6 tamyzda AQSh-tyń Arızona shtatynda medıtsınalyq ushaq apatqa ushyrap, tórt adam qaza tapty. Bul týraly CNN habarlady.

Oqıǵa Chınle áýejaıynyń mańynda bolǵany habarlandy. Shaǵyn medıtsınalyq ushaq apatqa ushyrap, órtenip ketti. Borttaǵy qaza tapqandar jergilikti turǵyndar emes. Ushaq Albýkerkedegi (Nıý-Meksıko) aýrýhanadan naýqasty alyp kelý úshin ushyp bara jatqan.

Ushaq CCI Aviation kompanııasyna tıesili bolǵan, apattyń sebebi belgisiz. Oqıǵadan keıin tergeý júrip jatqandyqtan, áýejaıǵa kire beris jabyq. Ulttyq kólik qaýipsizdigi keńesi bul Beechcraft 300 ushaǵy ekenin málimdedi.

— Oqıǵa ornyna jetkennen keıin tergeýshiler oqıǵany qujattaýǵa jáne ushaqty tekserýge kirisedi. Sodan keıin ol qosymsha tekserý úshin qaýipsiz mekemege jetkiziledi, — dedi qaýipsizdik keńesiniń ókili Sara Teılor Sýlık.

Eske sala keteıik, San-Dıegoda ushaq apatynan adamdar qaza tapqany jaıly jazǵan edik.