AQSh-ta maımyl shesheginen ekinshi adam qaıtys boldy

VAShINGTON. QazAqparat – Kalıfornııa shtatynyń densaýlyq saqtaý organdary maımyl sheshegi vırýsy tabylǵan adamnyń ólimin tekserip jatyr. Bul AQSh-taǵy osy aýrýǵa shaldyǵyp, qaıtys bolǵan ekinshi jaǵdaı, dep habarlaıdy QazAqparat tilshisi CBS News-ke silteme jasap.

Beısenbide Los-Andjeles okrýginiń doktory Rıta Sınghal máıitke saraptama júrgiziletinin aıtty. Medıtsınalyq tekserý birneshe aptaǵa sozylýy yqtımal.

R. Sınghaldyń aıtýynsha, Los-Andjeles okrýgi ólim máselesin memlekettik jáne federaldy densaýlyq saqtaý organdarymen birlesip tekserip jatyr. Osynyń nátıjesinde maımyl sheshegine shaldyqqan naýqastardy emdeý hattamasyna ózgeris engizilýi múmkin.

Kalıfornııada maımyl sheshegi vırýsynyń 4140 jaǵdaıy tirkelgen. Bul, eldiń basqa shtattaryna qaraǵanda kóp. AQSh-ta barlyǵy 20 myń adam vırýs juqtyrǵan.

Aýrýlardy baqylaý jáne profılaktıka ortalyqtary AQSh-tan tys jerlerde maımyl shesheginen 18 adam kóz jumǵanyn eseptegen.

Foto: tass.com