AQSh-ta maımyl sheshegine qarsy vaktsınanyń on myńdaǵan dozasy taratylady

VAShINGTON. QazAqparat – AQSh-ta maımyl sheshegin juqtyrǵandardyń kóbeıýine baılanysty Baıden ákimshiligi búkil elge vaktsına taratýdy bastaıdy, dep habarlaıdy QazAqparat tilshisi NBC News arnasyna silteme jasap.

AQSh densaýlyq saqtaý jáne áleýmettik qyzmet kórsetý mınıstrligi «Jynneos» vaktsınasynyń 56 myń dozasyn vırýs juqtyrý jyldamdyǵy joǵary aımaqtarǵa jiberdi. Birneshe apta ishinde taǵy 240 myń vaktsına taratylmaq. Kúz sońyna deıin kem degende 1,6 mln doza qoljetimdi bolady dep kútilip otyr.

AQSh-tyń Aýrýlardy baqylaý jáne aldyn alý ortalyqtarynyń sońǵy málimetterine sáıkes, ınfektsııa juqtyrý sany eń kóp aımaqtarǵa Kalıfornııa, Nıý-Iork, Illınoıs, Florıda jáne Vashıngton qalalary kiredi.

AQSh-ta maımyl sheshegi alǵash ret mamyr aıynda Massachýsets shtatynda anyqtaldy. Sodan beri vırýs búkil elge tarap, 28 shtatta 306-dan astam juqtyrý jaǵdaıy tirkeldi.

Azyq-túlik jáne dári-dármekterdi baqylaý basqarmasy maquldaǵan eki dozaly «Jynneos» vaktsınasy ınfektsııanyń aldyn alyp qana qoımaı, juqtyrǵan ınfektsııany toqtatady. Doza 28 kún aralyqpen salynady.

AQSh-tyń Aýrýlardy baqylaý jáne aldyn alý ortalyǵy 49 elde kem degende 4 700 adamnyń maımyl sheshegin juqtyrǵany anyqtalǵanyn habarlady.