AQSh-ta maımyl sheshegin juqtyrǵandar sany 800-ge jýyqtady

VAShINGTON. QazAqparat – AQSh-tyń 39 shtatynda maımyl sheshegin juqtyrýdyń 767 jaǵdaıy anyqtaldy, dep habarlaıdy QazAqparat News CN basylymyna silteme jasap.

AQSh-tyń Aýrýlardy baqylaý jáne aldyn alý ortalyqtarynyń sońǵy málimetterine sáıkes, maımyl sheshegin juqtyrǵandardyń eń kóbi Nıý-Iorkte – 153, odan keıin Kalıfornııada – 136 jáne Illınoıste – 91 jaǵdaı.

AQSh Densaýlyq saqtaý jáne halyqqa qyzmet kórsetý mınıstrligi dúısenbiden bastap epıdemııamen kúresý úshin bekitilgen eki rettik Jynneos vaktsınasynyń 144 myń dozasy qalalar men shtattarǵa taratylatynyn málimdedi.

Departament ótken aptada 56 myń doza bergen bolatyn, onyń 41 myńy jetkizildi.

Amerıkandyq LabCorp medıtsınalyq kompanııasy Soltústik Karolınadaǵy bas zerthanasynda maımyl sheshegine arnalǵan synaqty bastady, ol aptasyna 10 myńǵa deıin test qabyldaı alady. Bul AQSh-tyń testileý múmkindigin eki ese arttyrady.

Foto: english.news.cn