AQSh-ta Maıkl Djeksonnyń dárigerine qatysty sot bastaldy
ASTANA. 28 qyrkúıek. QazAqparat - Los-Andjeleste Maıkl Djeksonnyń jeke dárigeri Konrad Mıýrreıdiń ústinen sot protsessi bastaldy. Oǵan mýzykantty abaısyzda óltirip aldy degen aıyp taǵylýda. Sot úrdisi prokýror men qorǵaýshynyń sózimen bastaldy, dep habarlaıdy VVS.
Aıyptaýshy tarap atap ótkendeı, Mıýrreı óziniń emdelýshisine uıqynyń buzylýyna arnalǵan propofol preparatynyń mólsherin tym kóbeıtip jibergen. Dárigerdiń qorǵaýshysy, óz kezeginde, Djekson dáriniń ólimge ákep soqtyratyn mólsherin ózi salǵan degen pikirden tanbaýda.
Eger Konrad Mıýrreıdiń kinási dáleldense, tórt jylǵa bas bostandyǵynan aıyrylýy múmkin. Odan bólek, ol dárigerlik tájirıbemen aınalysý quqyǵynan aıyrylady.
