AQSh-ta Maıkl Dýglastyń 93 jastaǵy anasy qaıtys boldy
ASTANA. QazAqparat - AQSh-ta 93-ke qaraǵan shaǵynda belgili akter Kırk Dýglastyń birinshi áıeli jáne Maıkl Dýglastyń anasy - amerıkandyq aktrısa Dıana Dýglas ómirden ótti, dep habarlady TASS.
Ol qaterli isikten Los-Andjeles qalasynyń mańyndaǵy Výdlend-Hıllzdegi óz úıinde kóz jumǵan.
Óziniń shyǵarmashylyq mansaby órlep turǵan kezinde Dýglas 60-tan astam televızııalyq serıaldar men shoýlarǵa, 22 kórkem fılmge tústi. Sońǵy «Otbasylyq qundylyqtar» kartınasynda ol burynǵy kúıeýi Kırkpen, uly Maıklmen jáne nemeresi Kemeronmen birge oınady. Onyń basty rólderi «Detektıv Rash», «Jedel járdem», «Batys qanat» teleserıaldarynda boldy.
Bermýd araldarynda dúnıege kelgen Dıana prokýror bolyp turǵan ákesiniń qarsylyǵyna qaramastan, aktrısa bolý úshin Nıý-Iorkke keldi. Teatr ýchılışesinde Kırk Dýglaspen tanysyp, 1943 jyly oǵan turmysqa shyqty. 15 jyl birge turǵan kezinde odan Maıkl jáne Djoel atty eki uldy boldy.
Kelesi aptanyń ishinde Los-Andjeleste ótetin alǵashqy áıeliniń jerleý rásimine 98 jastaǵy Kırk Dýglas keledi dep kútilýde.
