AQSh-ta matchtan keıin atys bolyp, 10 jasóspirim jaraqat aldy
MOBIL. QazAqparat – AQSh-tyń Alaba shtatynyń Mobıl qalasyndaǵy stadıonda bolǵan atys saldarynan 10 jasóspirim jaraqat aldy, dep habarlaıdy «QazAqparat» HAA tilshisi CNN-ge silteme jasap.
Qalalyq polıtsııa bastyǵy Loýrens Battıst jýrnalısterge málim etkendeı, juma kúni keshkisin «Leflor» jáne «Ýılıamson» mektepteriniń komandalarynyń arasynda amerıkalyq fýboldan ótken matchtan keıin atys bolyp, 15-18 jas aralyǵyndaǵy 10 jasósipirim jaraqat aldy.
10 balanyń beseýi aýyr halde jatyr.
Polıtsııa basshysynyń aıtýynsha, atysqa tóbelestiń ne basqanyń sebep bolǵany ázirge belgisiz. Sondaı-aq, ol polıtsııa kýágerlerden oqıǵa ornynda jaýap alǵanyn jetkizdi. Eki adam ustaldy.
