AQSh-ta Marstan qulaǵan eń úlken meteorıt 5 mln dollarǵa satyldy

ASTANA. KAZINFORM – Marstan jetken eń úlken meteorıt Nıý-Iorkte ótken aýktsıonda rekordtyq $5,3 mln-ǵa satyldy, dep habarlaıdy reseılik reseılik TASS.

- NWA 16788 degen ataýmen belgili bolǵan meteorıt qyzǵylt-qońyr tústes. Bul onyń Marstan ekendiginiń dáleli ispettes. Meteorıttiń ústińgi qabatynda shuńqyrlar bar, olar onyń jer atmosferasy arqyly kóz ilespes jyldamdyqpen ushyp, qatty qyzǵan kezde paıda bolǵan belgiler, - delingen Sotheby's aýktsıon úıiniń saıtyndaǵy habarlamada.

Saıttaǵy málimetterpge qaraǵanda, 24 kelilik tas Marstan onyń aldynda túsken meteorıtten 70% úlken. Boljam boıynsha ol asteroıdpen soqtyǵysý saldarynan qyzyl planetanyń joǵarǵy qabatynan bólinip qalǵan. Sóıtip, meteorıttiń bir bóligi shynyǵa aınalǵan.

The Washington Post basylymynyń habarlaýynsha, bul álemdegi eń qymbat meteorıt.

Osyǵan deıin AQSh-ta Marstan qulaǵan meteorıt aýktsıonǵa shyǵarylatyny týraly jazdyq.