AQSh-ta marıhýana satatyn avtomat ornatyldy
ASTANA. QazAqparat - AQSh-ta marıhýana satatyn avtomat ornatyldy. Alǵashqy qurylǵy Kolorado shtatynda ornatylǵan jáne ol marıhýanany medıtsınalyq maqsatta satý úshin arnalǵan, dep habarlaıdy Dnı rý.
ZaZZZ dep atalatyn avtomatyn Kolorado shtatynyń Eıvon qalasynda American Green fırmasy daıyndap shyǵarǵan. Syrtynan ol kofe jáne sýsyndar satatyn kóptegen avtomattaryna uqsaıdy. Ári qaladaǵy tamaqtaný oryndaryna jaqyn ornalasqan.
Atalǵan avtomat esirtki zatyn tek dárigerdiń nusqaýy boıynsha ǵana satady. «Dárini» arnaıy tirkeý kartasy jáne PIN-kody bar naýqastar ǵana satyp ala alady. Sonymen birge, saýda núktesi birneshe kameralarmen jabdyqtalǵan, olar qujattardaǵy sýret pen apparat aldyndaǵy adamnyń túrin salystyrady.
Ýaqyt óte kele, mundaı apparattar kóbeıedi dep josparlanyp otyr. Olardyń bári arnaıy lıtsenzııalyq pýnktterde ornatylady.
"Óndirýshi kompanııada satylymnyń mundaı formasy shtattaǵy marıhýananyń zańdy aınalymyn qadaǵalaýǵa múmkindik beredi. Birinshiden, kameralardyń arqasynda, esirtki zatyn kimniń satyp alyp jatqany belgili bolsa, ekinshiden, ózine-ózi qyzmet etý júıesi óndirýshi men satyp alýshy arasyndaǵy deldaldy - esirtki tasymaldaýshyny boldyrmaıdy", delingen habarlamada.
