AQSh-ta M.Ábilázov pen V. Hrapýnovtyń qylmystyq toby urlaǵan 20 mıllıon dollardan astam qarjy oqshaýlandyryldy
2014 jyldyń mamyr aıynda Almaty qalasynyń quziretti ókilderi AQSh-taǵy Kalıfornııa shtatynyń sotyna V.Hrapýnovqa jáne onymen affılıırlengen tulǵalarǵa qarsy talap-aryzdaryn berdi. Іs júrgizý Qazaqstan Respýblıkasy Ádilet mınıstrliginiń qoldaýymen ótkizildi. AQSh-taǵy sot talqylaý barysyndaǵy mindetti aqparatty ashyp kórsetý nátıjesinde Qazaqstannan urlaǵan jáne alyp shyǵarǵan aktıvter aıqyndaldy.
Qylmystyq qýdalaýdan jáne olar urlaǵan aqshanyń tárkilenýinen qaýiptenip, M.Ábilázov pen V. Hrapýnov AQSh ıýrısdıktsııasynan aktıvterin jedel áketý maqsatymen múlikterin sata bastaǵan.
Atap aıtqanda, Nıý-Iorktegi oteldi apartamentterge rekonstrýktsııalaý boıynsha jobadaǵy úles edáýir tómendetilgen. Salynǵan 40 mln. AQSh dollardyń ornyna Ábilázov pen Hrapýnov óz úlesin 21 mln. AQSh dollaryna satýǵa áreket jasady. Alaıda developer men olardyń arasynda sot daýy bastaldy.
BTA Bank, Almaty ákimdigi jáne Ádilet mınıstrligi iske aralasty jáne 21 mln. AQSh dollar qarajattardyń tabystaýyn oqshaýlandyrdy. Qazirgi kezde AQSh-tyń Nıý-Iork shtatynyń sotynda jáne federaldy sotynda oqshaýlandyrylǵan aqsha qarajattaryn qaıtarý boıynsha jumys júrgizilýde, dep habarlady Qazaqstan Respýblıkasy Ádilet mınıstrliginiń baspasóz qyzmeti.
