AQSh-ta lotereıanyń 1,6 mlrd dollar djekpotynyń jeńimpazy anyqtaldy

AQSh-tyń Florıda shtatynda el tarıhynda Mega Millions lotereıasynyń úshinshi eń úlken djekpotyn – 1,6 mlrd dollardy utqan turǵynnyń esimi anyqtaldy. QazAqparat bul týraly AP agenttigine silteme jasap habarlaıdy.

Shtattyń jańa zańyna sáıkes, djekpot jeńimpazynyń esimi jarııalanǵan kúnnen, ıaǵnı 25 qyrkúıekten bastap 90 kún boıy anonımdi bolyp qalady, delingen lotereıa uıymdastyrýshylarynyń elektrondy hatynda.

Lotereıa ókilderi jeńimpazdyń birjolǵy tólem álde annýıtet alǵanyn jáne birjolǵy tólemniń boljamdy somasyn naqtylaǵan joq.

Utys bıleti Atlant muhıty jaǵalaýynyń Djeksonvıll mańyndaǵy shaǵyn qala Neptýn-Bıchtegi Publix sýpermarketinde satyldy. Florıdada 8 tamyzda satylǵan bir bılet Mega Ball-daǵy oıynnyń barlyq alty nómirine sáıkes kelgen – 13, 19, 20, 32, 33 jáne 14.

Lotereıa tarıhynda eń úlken djekpot Kalıfornııada 2,04 mlrd dollarǵa satylǵan Powerball bıleti boldy. Utys oıyny 2022 jyldyń 8 qarashasynda ótti. Kelesi eń úlken utys 2016 jyldyń 13 qańtarynda ótip, onyń somasy 1,586 mlrd dollardy qurady. Bul júlde Kalıfornııa, Florıda jáne Tennessıde satylǵan úsh bılet arasynda bólindi.

Mega Millions lotereıasy Amerıkanyń 45 shtatynda, sonymen qatar Vashıngton jáne AQSh-tyń Vırgın araldarynda oınatylady.