AQSh-ta lotereıa bıletin kir jýǵysh mashınaǵa salyp jibergen áıel 26 mln dollardan aıyryldy
NUR-SULTAN. QazAqparat – Lotereıa bıletin satyp alǵan áıel ony shalbarymen birge kir jýǵysh mashınaǵa salyp qoıǵanyn aıtty. Onyń utysy 26 mln dollardy quraýshy edi, dep habarlaıdy QazAqparat VVS-ǵa silteme jasap.
Ol SuperLotto Plus lotereıasynyń bıletin qarasha aıynda Los-Andjeles qalasy mańyndaǵy Norýolkta satyp alǵan. Onyń bıletti alǵan sáti dúkendegi beınetaspaǵa túsip qalǵan. Keıin áıel dúkenge qaıtyp baryp, bolǵan oqıǵa týraly aıtyp berdi.
Dúken qyzmetkeri Esperansa Ernandes Kalıfornııanyń Whittier Daily News basylymyna áıeldiń dúkenge sársenbi, 12 mamyr kúni kelip, júldeli bılettiń ıegeri bolǵanyn, alaıda bıletin baıqamastan kir jýǵysh mashınaǵa salyp jibergenin aıtqanyn habarlady.
Júldeni alýdyń shekti merzimi beısenbi kúni, 13 mamyrda bitken. Bul áıelden basqa júldegerler bolǵan joq.
«Eger lotereıa jeńimpazy anyqtalmasa, aqsha Kalıfornııanyń memlekettik mektepteri arasynda úlestiriledi», delingen uıymdastyrýshylardyń málimdemesinde.
