AQSh-ta leıkozdi emdeıtin preparat maquldandy
ASTANA. 14 tamyz. QazAqparat - AQSh-tyń Tamaq ónimderi men dárilik preparattar sapasyna baqylaý basqarmasy (FDA) qan men mı súıegi qaterli isiginiń sırek túrinen eresek adamdardy emdeıtin - Marqibo dárisin alǵash ret maquldady, dep jazady RBK Medical Xpress-ke sileme jasap.
Bul dári keminde emdeýdiń eki tásili qoldanylǵanymen aýrýy asqyna túsken adamdarǵa kórsetildi. Bul aýrý ásirese balalarda (2-4 jastaǵy) jıi kezdesedi, ol balalar jasyndaǵy leıkozdyń 90 paıyzǵa jýyǵyn quraıdy. AQSh ulttyq qaterli isik ınstıtýtynyń baǵalaýynsha, bıylǵy jyly 6 myńnan astam adamnyń osy syrqatqa ushyraǵany anyqtaldy, olardyń myń jarymǵa jýyǵy kóz jumýy múmkin.
Marqibo preparaty sırek aýrýlardy emdeý úshin jasalǵan farmatsevtik qural. Preparat tıisti emdeý sharalarynan keıin aýrýy asqynǵan patsıentterdi klınıkalyq zertteý kezinde baǵalandy.
Bul dári tamyr arqyly ǵana jiberiledi. Marqibo dárisin óndirýmen Talon Therapeutics amerıkandyq bıofarmatsevtik kompanııa aınalyspaq.
