AQSh-ta kúshti tornado saldarynan mert bolǵandar sany 40-qa jetti

ASTANA. KAZINFORM – AQSh-tyń ortalyq jáne ońtústiktegi shtattaryna tornado men kúshti jel soǵyp, kóptegen adam mert bolyp, ǵımarttar qırady. Tabıǵattyń dúleı kúshinen ásirese Mıssýrı shtatynyń turǵyndary qatty zardap shekti, onda 12 adam qurban boldy, dep habarlaıdy BBC.

Kanzas shtatynda shańdy daýyl 50 kóliktiń soqtyǵysýyna sebep bolyp, oqıǵa saldarynan 7 adam kóz jumdy. Tehasta jol apatynan 4 adam mert boldy. Oklahomada 150 orman órti bolyp, taǵy 4 adam óldi jáne 690 sharshy metr jer oqta orandy. Mıssısıpı shtatynda daýyldan 4 adam kóz jumsa, taǵy 3 adam Arkanzasta qurban bolǵan, taǵy 3 adam Alabamada mert boldy.

Bılik ókilderi alda taǵy kúshti jel turyp, tornado bolýy, naızaǵaı oınaýy múmkin ekenin eskertti. Bes shtatta 250-den astam úı elektr jaryǵynsyz qaldy.

Birneshe aýdanda tótenshe jaǵdaı jarııalandy. AQSh prezıdenti Donald Tramp zardap shekken aýdandarǵa Ulttyq gvarııany attandyrdy.

Osyǵan deıin AQSh-ta tornado men daýyl saldarynan 15 adam qaza tapqany týraly jazdyq.