AQSh-ta kúshti daýyl soǵyp, adamdar qurban boldy
ASTANA. KAZINFORM — Daýyl Amerıka Qurama Shtattarynyń ortalyq batysyndaǵy birneshe shtatty sharpydy. Ogaıo polıtsııasy eki adamnyń ólimin rastady. Basqa zardap shekkender men qurban bolǵandar týraly málimetter tekserilip jatyr, dep jazady Euronews.
AQSh-tyń Ogaıo shtatynda tornadodan kem degende eki adam qaza tapty.
Logan okrýginiń sherıf keńsesi qurbandardyń máıiti Deıtonnyń soltústigindegi treıler parkinen tabylǵanyn habarlady.
Indıana shtatynda polıtsııa jergilikti BAQ-qa alǵashynda daýylmen qosa jaýǵan burshaq saldarynan jyljymaly úıdiń úsh turǵyny qaza tapqanyn aıtty. Keıin brıfıng barysynda sheneýnikter qurban bolǵandardyń aıtarlyqtaı kóp ekenin málimdep, úıindi astynda qalýy múmkin adamdardy izdestirý jumystary júrgizilip jatqanyn aıtty.
Kentýkkıde jeńil jaraqat alǵandar tirkeldi.
Funnel cloud/possible tornado today north of Vanlue, Ohio @NWSCLE #ohwx pic.twitter.com/wboTeMUjd6
— Storm Chaser Je☈emy🌪️ (@Jeremy_OHWX) March 15, 2024
Ázirge qıraǵan úılerdiń aýqymy anyqtalyp jatyr, jedel járdem brıgadalary jergilikti jerde jumys istep jatyr.
Ulttyq aýa raıy qyzmetiniń (NWS) málimetinshe, juma kúni túnde Tehastan Ogaıoǵa deıingi 13 mıllıonnan astam AQSh turǵyny tornado qaýpi bar aımaqta qalǵan.