AQSh-ta Quryltaı saılaýy qalaı ótip jatyr
ASTANA. KAZINFORM — 23 tamyzda AQSh-taǵy úsh saılaý ýchaskesinde Quryltaı depýtattarynyń saılaýy ótip jatyr, qazaqstandyqtar daýys berýge qatysyp, elimizdiń bolashaq damý baǵytyn aıqyndaýǵa óz úlesterin qosty, dep habarlaıdy Kazinform agenttiginiń Vashıngtondaǵy menshikti tilshisi.
AQSh-taǵy saılaý ýchaskeleri elimizdiń dıplomatııalyq ókildikteri janynan jergilikti ýaqyt boıynsha saǵat 07:00–den 20:00–ge deıin jumys isteıdi.
№ 413 saılaý ýchaskesi Vashıngtondaǵy Qazaqstan elshiligi janynan ashyldy. Munda AQSh-tyń ońtústik jáne ońtústik-shyǵys shtattarynda turatyn Qazaqstan azamattary daýys bere aldy.
«Bolashaq» baǵdarlamasynyń stıpendıaty Gaýhar Qudaıbergenqyzy Nıetalına Vashıngtondaǵy Djons Hopkıns ýnıversıtetinde «500 ǵalym» baǵdarlamasy boıynsha ǵylymı taǵylymdamadan ótip jatyr.
— Búgin men úshin de, kóptegen qazaqstandyqtar úshin de óte mańyzdy kún. Búgin Qazaqstannyń jańa Parlamentine saılaý ótip jatyr. Biz azamattyq boryshymyzdy oryndaýymyz kerek. Sondyqtan búgin óz tańdaýymdy jasadym. Qazaqstandy jarqyn bolashaq kútip turǵanyna senemin, — dedi Gaýhar Nıetalına.
Damır Altynbaev bul saılaýdy qazirgi Qazaqstan úshin tarıhı oqıǵa dep baǵalady.
— Bul — qazirgi Qazaqstan úshin tarıhı oqıǵa. Bizdiń úlesimiz elimizdiń basshylyǵy men Qazaqstan halqy qabyldaǵan mańyzdy sheshimderdiń biri bolady dep sanaımyz, — dedi ol.
«Bolashaq» halyqaralyq baǵdarlamasynyń stıpendıaty Laýra Daýrındaeva búgingi saılaý elimizdiń damýynyń jańa kezeńine bastaıdy degen úmitin bildirip, Qazaqstanǵa amandyq pen órkendeý tiledi.
Al Djons Hopkıns ýnıversıtetinde «Bolashaq» baǵdarlamasy boıynsha bilim alyp júrgen Merýert Janzakova árbir qazaqstandyq úshin eldiń bolashaǵy úshin óz tańdaýyn jasaý mańyzdy ekenin atap ótti.
— Qazaqstannyń árbir azamaty úshin elimizdiń bolashaǵy úshin óz tańdaýyn jasaý mańyzdy kún. Onyń qaı jerde júrgeni mańyzdy emes, — dedi Merýert Janzakova.
Dástúr boıynsha qazaqstandyqtar saılaýǵa otbasylarymen birge bardy. Solardyń qatarynda Asylhan Súıindikovtyń otbasy da boldy.
№ 414 saılaý ýchaskesi Nıý-Iorktegi Qazaqstannyń Bas konsýldyǵy janynan jumys isteıdi. Bul ýchaskede AQSh-tyń soltústik jáne soltústik-shyǵys shtattarynda turatyn Qazaqstan azamattary daýys berdi.
Nıý-Iorkte alǵashqylardyń biri bolyp belgili qazaqstandyq ánshi, Qazaqstan Respýblıkasynyń eńbek sińirgen qaıratkeri Madına Sádýaqasova daýys berdi.
AQSh astanasymen ýaqyt aıyrmashylyǵyna baılanysty keıinirek San-Frantsıskodaǵy Qazaqstannyń Bas konsýldyǵy janynan № 472 saılaý ýchaskesi ashyldy. Ol AQSh-tyń batys shtattaryn qamtyp, eldegi daýys berý protsesin aıaqtaıdy.
Kalıfornııa ýnıversıtetinde «Qoǵamdyq densaýlyq saqtaý» mamandyǵy boıynsha «Bolashaq» baǵdarlamasymen bilim alyp júrgen Aıman shetelde júrse de Qazaqstandaǵy mańyzdy sharalardy jibermeýge tyrysatynyn aıtty.
— Memleketimiz jastardyń bilim alýyna jáne damýyna árdaıym jan-jaqty qoldaý kórsetedi. Men San-Frantsıskoǵa azamattyq ustanymymdy bildirý úshin saılaýǵa qatysýǵa arnaıy keldim, — dedi Aıman.
Buǵan deıin sheteldegi daýys berý 24 tamyzdyń tańyna deıin jalǵasatynyn jazdyq.
