AQSh-ta quny 146 mln. dollarlyq joıǵysh ushaq apatqa ushyrady
ASTANA. 16 qarasha. QazAqparat - Florıdada AQSh-tyń Áskerı-áýe kúshteriniń «Tındell» bazasyna jaqyn jerde besinshi urpaqtaǵy F-22 Raptor joıǵysh ushaǵy apatqa ushyrady.
Onyń ushqyshy katapýlt jasap úlgerdi, dep habarlaıdy Associated Press basylymyna silteme jasaǵan RosBıznesKonsaltıng.
Ushqysh kúrdeli jaraqattar alǵan joq. Jerdegi qırandylar týraly aqparat belgisiz. Apatqa baılanysty qutqarýshylar men polıtseıler Penhendl tas jolyndaǵy qozǵalysty jaýyp tastady.
Áýe apatynyń sebebi anyqtalǵan joq. Oqıǵany tergeý úshin arnaıy jumys toby quryldy.
F-22 Raptor - Áýe qorǵanysy kúshteriniń qarýlanýyna qabyldanǵan besinshi urpaqtaǵy álemdegi kópmaqsatty biregeı joıǵysh ushaq. Osyndaı modeldiń birinshi ushýy 1990 jyldyń qyrkúıeginde boldy. Atalǵan joıǵysh ushaqtardyń barlyǵy 195 úlgisimen shyǵaryldy, bir F-22 Raptor-dyń baǵasy 146 mln. dollardy quraıdy. Bul ushaq álemdegi eń qymbat joıǵysh ushaq bolyp tabylady.
