AQSh-ta kúnniń tutylýyn tamashalap turǵan adamdardy kólik qaǵyp ketti
ASTANA. QazAqparat - Dúısenbi kúni Kentýkkı shtatynda jol apaty bolyp, kúnniń tutylýyn tamashalap turǵan adamdardy kólik qaǵyp ketti. Bir adam mert bolyp, eki adam zardap shekti, dep habarlaıdy TASS jergilikti WLKY ınternet saıtyna siltemes jasap.
Internet saıttyń málimetterine qaraǵanda, Kentýkkı shtatyna qarasty Haıden qalasynda 38 jastaǵy Alıssa Nobl kólikti basqara almaı, kúnniń tutylýyn tamashalap turǵan bir top adamdardy qaǵyp ketti. 23 jastaǵy er azamat oqıǵa bolǵan jerde kóz jumdy. Taǵy bir áıel men jaryq baǵanyna soǵylǵan kóliktiń júrgizýshisi jaraqat aldy.
Jol apatynyń sebep-saldaryn anyqtaýmen osy shattyń polıtsııasy aınalysyp jatyr.
Kúnniń tutylýyn Tynyq muhıty jaǵalaýlarynan jergilikti ýaqyt boıynsha saǵat 10-19-da tolyq kórýge bolatyn edi.
