AQSh-ta kún raıyna baılanysty júzdegen reıs keıinge shegerildi

ASTANA. KAZINFORM – Amerıka Qurama Shtattarynyń soltústik-shyǵysyndaǵy dúleı daýyl demalys kúnderine josparlanǵan áýe qatynasyna kedergi keltirdi. Aýa raıyna baılanysty Nıý-Iork pen Nıý-Djersı bıligi tótenshe jaǵdaı jarııalady, dep habarlaıdy Kazinform BILD aqparat agenttigine silteme jasap.

Nıý-Iorkte qolaısyz aýa raıyna baılanysty eskertý jarııalandy. Ulttyq aýa raıy qyzmeti qalyń qar jaýyp, kóktaıǵaq bolady dep boljap otyr. 

Eldegi áýejaılar daýyldy kún raıynan zardap shekken. FlightAware málimetinshe, JFK, LaGuardia jáne Nıýark áýejaılarynda barlyǵy 886 reıs toqtatyldy.

Nıý-Iork qalasynyń turǵyndaryna saparǵa shyqpaýǵa jáne múmkindiginshe úıde bolýǵa úndeý jasaldy. The New York Times gazetiniń habarlaýynsha, atalǵan qalada keıingi úsh jylda mundaı borandy aýa raıy bolmaǵan. 

Qolaısyz aýa raıy Amerıka Qurama Shtattarynyń basqa aımaqtaryn ábigerge salǵan. Batys jaǵalaýda da áýe qatynasynyń úzilýi týraly habarlandy. Kalıfornııada jaǵdaı máz emes. 

Los Angeles Times gazetiniń habarlaýynsha, Kalıfornııada kem degende 3 adam qaıtys bolǵan. Los-Andjelestiń soltústik-shyǵysyndaǵy aýdandarda laı kóshkini úıler men joldardy zaqymdady, kólikter sýǵa aǵyp ketken, aǵashtar tamyrymen julynǵan.

Gýbernator Gevın Nıýsom birneshe aýdanda, sonyń ishinde Los-Andjeles pen San-Dıego okrýgterinde tótenshe jaǵdaı jarııalady.

Eske sala keteıik, buǵan deıin