AQSh-ta ushaq qozǵaltqyshyna kirip ketken qoıan saldarynan órtenip kete jazdady
ASTANA. KAZINFORM — AQSh-ta United Airlines áýe kompanııasynyń ushaǵy Denver áýejaıyna shuǵyl qonýǵa májbúr boldy. Oǵan ushaq qozǵaltqyshyna qoıannyń kirip ketýi sebep boldy, dep habarlaıdy ABC News telearnasy.
Boeing 737-800 ushaǵy Denverden Edmontonǵa ushyp bara jatqan. Onyń bortynda 153 jolaýshy men 6 ekıpaj múshesi bolǵan. Ushaq áýege kóterilgen kezde onyń qozǵaltqyshynan órt shyqqan. Ekıpaj birden áýejaıǵa qaıta oralýǵa sheshim qabyldaǵan.
Qýanyshqa oraı, eshkim zardap shekpegen. Barlyq jolaýshy kelesi reıske otyrǵyzylǵan.
Atalǵan jaıttan keıin AQSh Azamattyq avıatsııa federaldy basqarmasy (FAA) tekseristi bastap ketti.
Vedomstvo atap ótkendeı, bundaı jaǵdaı osymen tórtinshi ret qaıtalanyp otyr.
Budan buryn Kanadada ushaq apatty jaǵdaıda qoný kezinde órtenip ketkenin jazǵanbyz.