AQSh-ta koronavırýstyń omıkron shtamynan alǵashqy ólim tirkeldi
Telearna málimetinshe, qaıtys bolǵan patsıent – Harrıs okrýginiń turǵyny, 50 jas shamasyndaǵy er adam ekpe saldyrtqan joq jáne densaýlyǵyna baılanysty problemalary bolǵan.
Dúısenbi kúni AQSh eliniń Aýrýlardy qadaǵalaý jáne aldyn alý jónindegi federaldyq ortalyqtary koronavırýstyń omıkron nusqasynyń AQSh-ta basym bolǵanyn málim etti. Ótken apta ishinde jınalǵan málimetke sáıkes, ol vırýs juqtyrǵandardyń 75 paıyzdan astamynan anyqtalǵan. Eldiń birqatar shtattarynda, sonyń ishinde ońtústik-shyǵysy men soltústik-batysta omıkron shtamyn juqtyrǵandar úlesi 90 paıyzdan asyp otyr.
Djons Hopkıns ýnıversıtetiniń baǵalaýynsha, AQSh-ta indet juqtyrýǵandar sany 51 mln adamǵa jetken, 807, 5 myń adam qaıtys boldy. Bul rette sońǵy tórt aptada qaýipti vırýsty 3 mln astam adam juqtyryp, 34,3 myńnan astamy odan kóz jumdy. AQSh osy eki kórsetkish jaǵynan álemde birinshi oryn alyp otyr.