AQSh-ta koronavırýstan qaıtys bolǵandar sany 150 adamǵa jetti
VAShINGTON. QazAqparat – AQSh-ta koronavırýstyń taralýynan ondaǵan saýda-oıyn-caýyq ortalyqtary jabyldy. Eki senatordyń vırýs juqtyrǵany belgili boldy. AQSh sanaq júrgizý bıýrosy óz jumysyn toqtatty, al qor bırjasy sársenbide taǵy ózgeriske ushyraǵan, dep habarlaıdy QazAqparat USA Today-ge silteme jasap.
Elde COVID-19 vırýsyna shaldyǵyp, qaıtys bolǵandardyń sany 150 adamǵa jetti. AQSh prezıdenti Donald Tramptyń jumystan shyǵarylyp nemese jalaqy saqtalmaıtyn demalys alýǵa májbúr bolǵan mıllıondaǵan adamǵa qarjylyq qoldaý kórsetý týraly ýádesi senim uıalatady.
«Jumyssyz qalǵan qonaqúı, bar, meıramhana qyzmetkerlerine aldaǵy ýaqytta ótemaqy tólenedi», - dep jazdy Tramp Twitter paraqshasynda.
Sársenbi kúni Tramp Senattyń maquldaýymen birneshe mıllıard dollar bólý qarastyrylǵan amaldar paketine qol qoıdy. Ol boıynsha aýyryp qalýyna nemese otbasylyq jaǵdaıǵa baılanysty demalys alǵan el azamattary aqsha tólenip, sondaı-aq koronavırýsqa tegin tekserile alady, al jumyssyz qalǵan jaǵdaıda arnaıy caqtandyrylady.
Djon Hopkıns ýnıversıtetiniń málimeti boıynsha, sársenbi kúni keshke AQSh-ta koronavırýs juqtyrýdyń 9300-den astam oqıǵasy rastaldy. Bir apta buryn aýyr indetten 33 adam kóz jumdy, dertke shaldyqqandar sany 1300 adam bolǵan. Densaýlyq saqtaý ókilderi vırýstyń kem degende 38 shtatqa taraǵanyn málim etti.
Búginde búkil álem boıynsha vırýstan 8 700 adam qaıtys bolǵan, al aýrý juqtyrǵandar sany 217 myńnan asty. Bir apta buryn koronavırýstan 4 600 adam kóz jumdy.
