AQSh-ta koronavırýstan alǵashqy adam kóz jumdy
Jergilikti densaýlyq saqtaý organdary senbi kúni Vashıngton shtatynyń Kıng okrýginde 50 jastaǵy er adamnyń qaıtys bolǵanyn rastady. Ol qaýiptiligi joǵary elderdiń eshqaısysyna barmaǵan.
Vashıngton shtatynyń gýbernotory Djeı Inslı vırýstyń taralý qaýpine baılanysty shtatta tótenshe jaǵdaı jarııalady.
Senbi kúni Vashıngton shtatynda jergilikti qarttar úıinde koronavırýs taralyp, órship ketýi múmkin delinip tekserilip jatqanyn aıtty.
AQSh-ta koronavırýsty juqtyrǵandardyń jalpy sany 62 adamǵa jetti.
Buǵan deıin habarlaǵandaı, jeksenbi kúni Aýstralııada koronavırýstan kóz jumǵan alǵashqy jaǵdaı rastaldy. Jergilikti BAQ-tyń málimetinshe, ótken aıda Japonııadan evakýatsııalanǵan 78 jastaǵy er adam Pert qalasyndaǵy aýrýhanada qaıtys boldy. Sondaı-aq onyń 79 jastaǵy áıelinen de vırýs tabylǵan.
35 jasar er adam Taıland aýmaǵynda atalǵan indetten kóz jumǵan alǵashqy adam boldy. Jalpy elde vırýs juqtyrǵan 42 jaǵdaı anyqtaldy.
DSU málimetine sáıkes, álemniń 57 elinde jańa vırýs juqtyrǵandar sany 85 myńnan asqan. 3000-ǵa jýyq adam qaıtys bolǵan.
