AQSh-ta koronavırýsqa qarsy Novavax vaktsınasyn qoldaný usynyldy
Ortalyq dırektory, doktor Roshel Valenskıı AQSh turǵyndarynyń COVID-19 vırýsyna qarsy basqa qaýipsiz jáne tıimdi vaktsınaǵa qol jetkizý múmkindigi kóbeıgenin málimdedi. Novavax kompanııasy óz vaktsınasynyń birinshi partııasy sapaly synaqtan ótkenin jáne aldaǵy kúnderi taratylý úshin AQSh úkimetine jiberiletinin aıtty. Novavax – aqýyz negizindegi tehnologııa arqyly shyǵarylǵan vaktsına. Ol ımmýndyq júıege jándikter jasýshalarynda ósirilgen, onyń aǵzadaǵy tıimdiligin arttyratyn aǵash qabyǵynan alynǵan adıývant degen ıngredıentpen aralasqan vırýstyń bir bóligin beredi.
Novavax óz vaktsınasynyń Pfizer-BioNTech jáne Moderna vaktsınalarymen salystyrǵanda janama áseri az dep sanaıdy. Mysaly, synaq júrgizý kezinde dene temperatýrasy kóterilgen jaǵdaılar óte sırek boldy.
Omıkron nusqasyn qoldanar aldynda júrgizilgen klınıkalyq zertteýlerde Novavax-tyń kez kelgen sımptomatıkalyq koronavırýstyq ınfektsııalardyń aldyn alýda 90,4% tıimdi bolǵany jáne aýrýdyń ortasha, aýyr jaǵdaıynda 100% tıimdilikke qol jetkizgeni anyqtalǵan.
