AQSh-ta kórinbeıtin ushaq synaqtan ótti
ASTANA. QazAqparat - Beısenbi, 28 qańtar kúni AQSh-tyń shyǵys jaǵalaýyndaǵy Nıý-Djersıden Konnektıkýtqa deıingi eldi mekenderdiń turǵyndaryn áýedegi qatty dybys dúrliktirgen bolatyn. Ol besinshi býyndaǵy eń jańa F-35 joıǵyshtary men F-18 joıǵyshtarynyń synaqtan ótý sátinde paıda bolǵan dybystar edi. Bul týraly AQSh ÁTK-niń málimdemesine silteme jasaǵan Associated Press habarlaıdy.
AQSh Geologııalyq qyzmetinen Nıý-Djersı men Konnektıkýt shtattarynda 1,5 saǵattyń ishinde toǵyz dybystyq soqqy bolǵany týraly habarlaǵan. ÁTK-niń baspasóz hatshysy Konnı Hempeldiń atap ótýinshe, atalǵan aýdanda joǵarydybystyq synaq ushýlary kún saıyn ótkiziledi, alaıda, ushaqtyń joǵary dybysqa ótýi jerde sezilmeıdi. Osyǵan baılanysty, Hempel dybysty erekshe atmosferalyq jaǵdaılar kúsheıte alýy múmkin ekenin aıtty, dep jazady Lenta.rý.
Buǵan deıin beısenbi kúni Nıý-Djersı men Konnektıkýttyń turǵyndary jer betindegi jáne ǵımarattardaǵy terbeliske shaǵymdana bastaǵan. Áleýmettik jelilerde #boomgate heshtegi bar habarlamalar toptamasy paıda boldy. Birqatar paıdalanýshylar jer silkinisin joqqa shyǵarmasa, bul rette basqalary Godzılla bar kadrlardy jarııalady.
