AQSh-ta kommertsııalyq ǵarysh aılaǵy ashyldy
ASTANA. Qazannyń 23-i. QazAqparat - AQSh-ta, Nıý-Meksıka shtatynyń shólinde álemdegi alǵashqy ǵarysh aılaǵy ashyldy. Onyń ashylý rásimine Virgin Galactic kompanııasynyń basshysy, mıllıarder Rıchard Brenson, Nıý-Meksıka shtatynyń gýbernatory Bıll Rıchardson jáne ondaǵan bolashaq ǵarysh týrısteri qatysty. Brenson myrzanyń aıtýynsha, ǵarysh týrızmine arnalǵan «SpaceShip Two» kemesi alǵashqy saparyn aldaǵy 1,5 jyldyń ishinde jasap qalady, dep habarlaıdy «Maıak» radıosy.
Bortyna alty týrıst ala alatyn ǵarysh kemesi osydan eki apta buryn alǵashqy synaǵyn ótkizdi.
Qazirgi tańda 380 áýesqoı-astronavtar bolashaq saparlary úshin Virgin Galactic kompanııasyna 50 mıllıon dollardaı jolaqy tólep qoıǵan. Birneshe mınýtqa sozylatyn ǵarysh sapary 200 myń dollar turady.
