AQSh-ta kómekshi maımyldardy zańdastyrý josparlanýda
ASTANA. 23 qańtar. QazAqparat - Amerıkandyq Kentýkı shtatynda múmkindigi shekteýli adamdar úshin kómekshi maımyldardy paıdalanýǵa ruqsat beretin zań qabyldaýdy qaraýda, dep habarlady Rosbalt.
AQSh-ta kómekshi janýarlardyń resmı bekitilgen tizimi bar, endi onyń qataryn maımyldarmen tolyqtyrý josparlanýda, dep habarlady RG. Maımyldar sal adamdardyń qolynan kelmeıtin mindetterdi oryndaıdy dep boljamdalýda, olarǵa: jaryq sóndirý, kelesi betti paraqtaý nemese kúıtabaq qosý jáne t.b. senip tapsyrylmaq.
Mamandardyń pikirinshe, prımattardyń daý týdyrmaıtyn jetistikteriniń biri - olardyń 40 jasqa deıingi ómir súrý uzaqtyǵy. Osyǵan oraı olar múgedekterdiń ómirlik dosy bola alady eken.
Muqtaj jandar maımyldardy tek páterlerde, úılerinde ǵana paıdalanýǵa ruqsat etilmek. Al úı maımyldarynyń kómegin kóshede, kópshilik oryndarda alýǵa tyıym salynǵan.
