AQSh-ta qoltyraýynǵa kisen salyndy
ASTANA. QazAqparat - AQSh-tyń Lýızıana shtatynda jeke jer telimindegi qosalqy úı-jaıdan úlken qoltyraýyn tabyldy. Qojaıyndar ony ustaı almaı, Jabaıy tabıǵat departamentiniń agentterine júgingen.
Olar jyrtqyshtyń aıaqtaryna kisen saldy, dep jazdy Daily Mail basylymy.
Beınejazbadan qoltyraýynnyń tym ashýly ekenin jáne ony arnaıy arqanmen ustaý kezinde departament agenttterine shabýyl jasaýǵa árekettengenin kórýge bolady. Jyrtqyshqa tuzaq salǵan er adamdar ony kógalǵa súırep, jaqtaryn qarystyra qara lentamen býyp tastady.
Osydan keıin bireýi allıgatordy ustap turdy, al ekinshisi jyrtqyshtyń artqy aıaqtaryna temir kisen saldy. Kisenniń qysqa shynjyry qoltyraýynnyń aıaqtaryna jetpegendikten ekinshisin qoldanýǵa týra keldi.
Qaýipti oqıǵa barysynda eshkim zardap shekken joq.
