AQSh-ta kólik júrgizýshi lotereıadan 153 mln dollar utty
ASTANA. QazAqparat - Alys saparǵa qatynaıtyn amerıkalyq júrgizýshi júk kóligi turaǵynan satyp alǵan jalǵyz lotereıa bıletimen 153 mıllıon dollar utyp, aıaq astynan baıyp shyǵa keldi.
Associated Press agenttigi habarlaǵandaı, Vırdjınııa shtatynyń 52 jastaǵy turǵyny Stıven Pelokın jumys babymen Pensılvanııa shtatynda bolǵan. Ol Mıltonda júk kóligi turaǵynan Mega Millions lotereıasyn satyp alady. Utys oıyny ótken aptada bolǵan. Alaıda Stıven óziniń osynaý bas aınarlyq tabysy jaıly ınternetten senbi kúni keshqurym bilgen.
Joly bolǵyshtyń jýrnalısterge aıtqanyndaı, ol utysy jaıly bilgende, óz-ózine senbeı, túni boıy dóńbekship uıyqtaı almaı shyqqan kórinedi.
