AQSh-ta qoldan jasalǵan bombalardyń eń úlken qoımasy tabyldy
ASTANA.KAZINFORM — FTB Vırdjınııa turǵynynan qoldan jasalǵan 150 bomba tapty. Bul bıýro tarıhyndaǵy eń iri tárkileýlerdiń biri, dep jazady Euronews.
Vırdjınııada FTB tarıhyndaǵy qoldan jasalǵan jarylǵysh qurylǵylardyń eń úlken qoımasy tabyldy — barlyǵy 150.
Ol atys qarýyn saqtady degen aıyppen izdestirilip jatqan Bred Spaffordtan tabyldy.
Jarylǵysh zattardyń kópshiligi bomba jasaýǵa arnalǵan materıaldar jáne quraldarmen birge garajdan tabyldy, deıdi prokýrorlar. Olar Spafford turatyn úıdiń «jatyn bólmesindegi rıýkzakta taǵy birneshe tútik bombalary saqtalǵanyn» atap ótti.
Sonymen qatar, Spafford muzdatqyshta temperatýranyń ózgerýine baılanysty jarylyp ketýi múmkin óte turaqsyz jarylǵysh geksametılen trıperoksıddıamın bankasyn saqtaǵanyn moıyndady.
Spaffordtyń advokattary bıliktiń onyń zorlyq-zombylyq áreketterin josparlaǵanyna dáleli joq deıdi.
Buǵan deıin Las-Vegasta 64 qabatty Trump International qonaqúıiniń janynda Cybertruck elektrli pıkap jarylǵan. Oqıǵa saldarynan kem degende bir adam qaza taýyp, taǵy jeti adam jaraqat aldy.