AQSh-ta kinásiz 38 jyl túrmede otyrǵan adamǵa 25 mln dollar ótemaqy tólenedi

ASTANA. KAZINFORM — AQSh bıligi Roberta Vıdermaıerdiń ólimine baılanysty 38 jyl túrmede otyrǵan, keıin kinásiz dep tanylǵan Morıs Hastıngske 25 mıllıon dollar ótemaqy tóleıtin boldy, dep jazdy Anadoly agenttigi.

NBC News habarlaýynsha, 1983 jyly Hastıng atys qarýymen óltirilgen Roberta Vıdermaıerdi zorlady jáne óltirdi degen aıyppen ómir boıy bas bostandyǵynan aıyrylǵan.

2021 jyly onyń kinásizdigi týraly ótinishi boıynsha qylmystyq is boıynsha aıǵaqtar qaıta saraptaldy. Jábirlenýshige júrgizilgen sot-medıtsınalyq saraptama kezinde alynǵan bıologııalyq materıaldardy 2000 jyly DNQ testine jiberý josparlanǵan edi, alaıda bul ótinish qabyldanbaǵan. Qaıta júrgizilgen saraptama DNQ-nyń Hastıngske tıesili emes ekenin kórsetti. Osydan keıin sot ony kinásiz dep tanydy.

Sot sheshimimen 38 jyl ádiletsiz jaza ótegen Morıs Hastıngke 25 mıllıon dollar kóleminde ótemaqy tólenedi. Bul soma — shtat tarıhyndaǵy eń iri ótemaqy bolyp otyr.

DNQ saraptamasy bul qylmystyń 1983 jyly uqsas qylmys úshin qamaýǵa alynǵan jáne 2020 jyly túrmede kóz jumǵan Kennet Paknettke qatysy bar ekenin kórsetti. Paknett qamaýǵa alynǵan kezde jábirlenýshiniń zattarymen birge bolǵan, alaıda ol kezde tergeýge tartylmaǵan.

– Meniń ómirimniń 38 jyly urlandy. Bul jyldardy eshqandaı aqsha qaıtara almaıdy, biraq bul ótemaqy – uzaq joldyń aıaqtalǵanyn bildiredi, – dedi Hastıngs jýrnalısterge.

Eske sala keteıik, buǵan deıin Italııada 32 jyl jazyqsyz túrmede otyrǵan adam tolyq aqtalǵanyn jazǵan edik.