AQSh-ta qyzylsha aýrýynyń órshýinen mektep oqýshysy qaıtys boldy

ASTANA. KAZINFORM – Tehas shtatyndaǵy aýyldyq jerde qyzylshaǵa qarsy ekpe almaǵan bala qaıtys boldy, dep habarlaıdy Euronews.

Habarlanǵandaı, bul 2015 jyldan beri AQSh-ta qyzylshadan qaıtys bolǵan alǵashqy oqıǵa.

Tehas bıliginiń málimetinshe, shtatta aýrýǵa shaldyǵýdyń 124 jaǵdaıy tirkelgen. Kórshiles Nıý-Meksıko shtatynda toǵyz jaǵdaı tirkeldi.

Tehas bıligi qaýipti vırýstyq aýrýdy ádette shetelde bolǵan adamdar ákeletinin atap ótti.

Sarapshylar COVID-19 pandemııasynan keıin búkil álemde qyzylshaǵa qarsy ekpe alý deńgeıiniń tómendeýine nazar aýdardy. AQSh-ta qazirdiń ózinde kóptegen shtattar qyzylshanyń órshýinen qorǵaný úshin qajet bolatyn jas balalarǵa arnalǵan vaktsınatsııanyń 95 paıyzdyq sheginen tómen.

Buǵan deıin Qyrǵyzstanda qyzylsha aýrýyna shaldyqqandar sany artqanyn jazǵan edik.