AQSh-ta qazaqstandyq boksshy jekpe-jek aldynda salmaq ólsheýden ótti

NUR-SULTAN. QazAqparat – Amerıkanyń Okson Hıll qalasynda (Merılend shtaty) qazaqstandyq Shyńǵyshan Tájibaı (8-0, 2 KO) qatysatyn boks keshiniń aldyndaǵy salmaq ólsheý rásimi boldy, dep habarlaıdy QazAqparat Sports.kz-ke silteme jasap.

Jeńilmegen boksshynyń qarsylasy – 30 jastaǵy argentınalyq, «Solaqaı» atanǵan Nıkolas Atılıo Velaskes (11-6, 3 KO).

Jekpe-jek alty raýndqa eseptelgen.

Tájibaıdyń salmaǵy 141,2 fýnt, qarsylasy 144,2 fýnt shyqty. ıAǵnı, ekeýi de jartylaı orta salmaq sanatynyń sheginen aspaǵan (147 fýnt).

Tájibaı sońǵy ret 2018 jyldyń 27 qazanynda rıngke kóterilgen. Sol kezde amerıkalyq Hýan Rodrıgesti (8-16-1, 6 KO) tóreshilerdiń biraýyzdan qabyldaǵan sheshimimen jeńgen.