AQSh-ta qazaqstandyq boksshy qatysqan jekpe-jek ótkizilmedi dep esepteldi
ASTANA. QazAqparat - Búgin tańerteń AQSh-tyń Nıý-Iork qalasynda ótken boks dodasynda qazaqstandyq boksshy Bahtııar Eıýbov pen amerıkalyq Morıs Chalmerstiń jekpe-jegi ótkizilmedi dep esepteldi, dep habarlaıdy QazAqparat BoxRec saıtyna silteme jasap.
Atalǵan basylymnyń taratqan málimetinde jekpe-jektiń nátıjesi NC (No contest) dep kórsetilgen. Bul jekpe-jektiń ótkizilmegenin bildiredi.
Kezdesý jartylaı orta salmaq dárejesinde ótýi tıis bolǵan. Boksshylar jekpe-jekten bir kún buryn salmaq ólsheý rásimin de sátti ótkizgen. Alaıda, búgin sharshy alańda otandasymyzdyń qarsylasynyń qabaǵy jarylyp, dáriger jekpe-jekti toqtatý kerektigin aıtqan. Osy sátte sharshy alańdaǵy tóreshi jekpe-jekti toqtatyp, ótkizilmedi dep esepteletinin habarlaǵan.
Aıta keteıik, Eıýbov kásipqoı boksta osyǵan deıin 13 kezdesý ótkizip, barlyǵynda jeńiske jetken. Sońǵy kezdesýin ol 12 maýsymda ótkizdi.
Esterińizge sala keteıik, otandasymyz Nıý-Iorktaǵy eki dúrkin Olımpıada oıyndarynyń chempıony Klarıssa Shılds 4-0, 2 KO pen ekinshi orta salmaqtaǵy WBC jáne IBF tujyrymdary boıynsha álem chempıony Nelson (17-0-3, 2 KO) arasyndaǵy boks keshiniń anderkartynda judyryqtasty. Basty jekpe-jekte Klaressa Shılds otandasy Torı Nelsondy jeńip, ekinshi orta salmaqta WBC jáne IBF tujyrymdarynyń álem chempıony ataǵyn qorǵap qaldy.
