AQSh-ta qazaqstandyq azamat jumbaq jaǵdaıda joǵalyp ketti
ASTANA. KAZINFORM — AQSh-ta qazaq azamaty iz-túzsiz joǵalyp ketti. Ol barlyq qujattary men aqshasyn úıine qaldyryp ketken. Bul týraly Threads áleýmettik jelisine jazdy.
Oqıǵanyń mán-jaıy ázirge belgisiz. Jergilikti derekterge sáıkes, er adamnyń qaıda ketkeni jáne qandaı jaǵdaıda joǵalyp ketkeni týraly naqty aqparat joq.
Іzdeý jumystary men tergeý sharalary jalǵasyp jatyr.
— Aset Quralbaı AQSh-ta, Illınoıs shtatyndaǵy Chıkago mańynda (Ford Heights aýdanynda) turyp kelgen. Ol sońǵy ret 2026 jylǵy 2 maýsymda baılanysqa shyqqan. 7 maýsymnan bastap onyń telefony óshirýli. Úıinde qujattary men bank kartalary qalǵan. 10 maýsym kúni polıtsııa onyń Toyota Camry (DP 86722) kóligin tapqan, alaıda Asettiń ózi áli kúnge deıin tabylǵan joq. Qazirgi ýaqytta onyń qaıda ekeni belgisiz, izdeý jumystary jalǵasyp jatyr. Eger kimde-kim ony kórgen bolsa nemese qandaı da bir aqparat bilse, jaqyndaryna nemese tıisti organdarǵa habarlasý suralady, — delingen jazbada.
Aıta keteıik, Oralda joǵalyp ketken 15 jastaǵy qyz tórtinshi kún izdestirilip jatyr.
