AQSh-ta Qazaqstan-Amerıka iskerlik keńesiniń dóńgelek ústel otyrysy ótti

ASTANA. QazAqparat – Ulttyq ekonomıka mınıstri Álibek Qýantyrov AQSh-tyń Saýda palatasynda Qazaqstan-Amerıka iskerlik keńesi múshelerimen birge jyl saıyn ótetin dóńgelek ústel jumysyna qatysty, dep habarlaıdy QazAqparat tilshisi.

Іs-sharaǵa QR Ulttyq ekonomıka mınıstrligi, AQSh-taǵy Qazaqstan Elshiligi, «Baiterek» AQ, Astanadaǵy «AIFC» qarjy haby, «Sıtıbank Qazaqstan» AQ ókilderinen jasaqtalǵan qazaqstandyq delegatsııa, sonymen qatar amerıkalyq iri kompanııalar ókilderi qatysty.

AQSh Saýda palatasynyń aǵa vıtse-prezıdenti Hýsh Choksı

AQSh Saýda palatasynyń halyqaralyq damý jáne Taıaý Shyǵys pen Túrkııa isteri jónindegi aǵa vıtse-prezıdenti Hýsh Choksı bul kezdesý qazaqstandyq tarappen amerıkalyq iskerlik qaýymdastyq arasyndaǵy ózara is-qımyl ári ıdeıa almasý úshin óte mańyzdy ekendigin atap ótti.

Hýsh Choksı AQSh Memlekettik hatshysy Entonı Blınkenniń Astanaǵa sapary kezinde «dál qazir Qazaqstan qajetsinip otyrǵan ekonomıkany ekijaqty ártaraptandyrý jáne óńirlik ıntegratsııany ilgeriletý úshin ekonomıkalyq ári kommertsııalyq yntymaqtastyqty jandandyratyn ýaqyt» dep málimdegenin atap ótti.

AQSh Saýda palatasynyń Іskerlik keńesi is-sharaǵa qatysqan barlyq amerıkalyq kompanııalardy AQSh mıssııasyna qosylyp qana qoımaı, sonymen birge Qazaqstanmen keń aýqymdy yntymaqtastyq protsesiniń iske qosylǵany týraly aqparatty taratýǵa shaqyrdy.

Qazaqstan Respýblıkasynyń Ulttyq ekonomıka mınıstri Álibek Qýantyrov

QR Ulttyq ekonomıka mınıstri Álibek Qýantyrov jalpy ekijaqty kommertsııalyq baılanystardy ilgeriletýde kórsetken qoldaýy men áriptestigi úshin AQSh Saýda palatasyna jáne Amerıka-Qazaqstan iskerlik keńesine rızashylyǵyn bildirdi.

Qazaqstan mınıstri AQSh Memlekettik hatshysy Entonı Blınkenniń Astanaǵa sapary kúshti saıası belgi bolyp, strategııalyq áriptestikti keńeıtýge serpin bergenin atap ótti.

Qazaqstan tarapy Qazaqstandy, onyń ishinde eldiń egemendigin, aýmaqtyq tutastyǵy men táýelsizdigin qoldaǵany úshin Amerıka Qurama Shtattaryn qurmetteıdi. Sońǵy 30 jylda Qazaqstan amerıkalyq ınvestorlar úshin neǵurlym qolaıly ınvestıtsııalyq ahýaldy qamtamasyz etti jáne el Ortalyq Azııa óńirinde turaqtylyq pen órkendeý araly bolyp qala bermek.

Álibek Qýantyrov Qazaqstan ekonomıkasynyń árbir sektorynda yntymaqtastyqty damytý úshin jaqsy áleýet bar ekenin atap ótti. Qazaqstan ınvestıtsııalar aǵynyn jeńildetý, Ortalyq Azııada ınvestıtsııalyq magnıt bolyp qalý jolynda qolaıly bıznes-orta qurý úshin barlyq is-sharalardy qabyldaýdy jalǵastyrady.

Sóz sońynda amerıkalyq bıznes toptardyń ókilderin osy jyldyń 8-9 maýsymynda ótetin Astana halyqaralyq forýmyna qatysýǵa shaqyrdy.

Chevron halyqaralyq úkimettik baılanystar jónindegi aǵa dırektory Kreıg Holl

AQSh Saýda palatasynyń aǵa vıtse-prezıdenti Hýsh Choksı

Rústem Qojybaev