AQSh-ta qaýipti zattar tıelgen poıyz relsten shyǵyp ketip, órtendi

NЬıÝ-IORK. QazAqparat – Ogaıo shtatynda qaýipti zattar tıelgen 50 vagon relsten shyǵyp ketti. Bul týraly Associated Press jazdy, dep habarlaıdy QazAqparat.

Oqıǵa juma kúni keshkisin bolǵan, alaıda oqıǵanyń mán-jaıy men zardap shekkender týraly ázirge belgisiz.

Ulttyq kóliktegi qaýipsizdik keńesi ókili Maıkl Gremniń aıtýynsha, vagondar relsten shyqqannan keıin órt shyqqan.

«Órt aýqymy azaıdy, degenmen áli bar. Eki negizgi jol burynǵysha buǵattalyp tur», - dep atap ótti ol.

Tasymaldaýshy operatordyń málimetinshe, 100 vagonnyń jıyrmasynda qaýipti materıaldar, 14-nde asa toksındi vınılhlorıd tıelgen. Jedel qyzmet qaı vagondar zaqymdalǵanyn anyqtap jatyr.

Foto: AP Photo/ Mahesh Kumar A., arhıv