AQSh-ta qaýipsizdik jastyǵynyń aqaýyna baılanysty 5 mln kólik keri qaıtaryldy
ASTANA. QazAqparat - AQSh-ta Takata qaýipsizdik jastyǵy jarylyp, júrgizýshi qaza tapqan 9 jaǵdaı tirkelýine baılanysty taǵy 5 mln kólik keri qaıtaryldy.
Bul týraly AQSh-tyń kólik mınıstrligi jol qozǵalysyn qamtamasyz etý bas basqarmasy málimdedi.
Onyń ishinde Ford, Mazda, Volkswagen, Audi jáne Mercedes-Benz markaly kólikter bar, dep habarlady RIA Novostı.
Jeltoqsan aıaǵynda apat saldarynan 2006 jyly shyǵarylǵan Ford Ranger kóliginiń júrgizýshisi qaza tapty. Mamandar kólik kedergige jolyqqan kezde iske qosylyp ketken qaýipsizdik jastyǵynyń jarylýy saldarynan mert bolǵanyn anyqtady. Osylaısha, AQSh aýmaǵynda Takata jastyǵynyń aqaýy saldarynan ajal qushqandar sany toǵyzǵa jetken.
