AQSh-ta qaterli isik týdyrǵan dári úshin farmkompanııa $2 mlrd tóleıdi
NUR-SULTAN. QazAqparat - AQSh soty Bayer nemis farmatsevtıkalyq kompanııasyn erli-zaıyptylarǵa 2 mlrd dollar tóleýge mindettedi. Olar aramshópterden jasalǵan dárilik zattardy qoldanyp, qaterli isik aýrýyna shaldyqqan, dep habarlaıdy VVS.
Kalıfornııanyń alqabıler soty Bayer kompanııasynyń nemquraılyq tanytyp, tutynýshylarǵa dárilik zattardyń quramyndaǵy glıfosattyń densaýlyqqa qaýipti ekenin eskertpedi degen úkim shyǵardy.
Bayer taǵylǵan aıypty moıyndamaı otyr. Nemis kompanııasy shaǵym túsirilgen Roundup dárisiniń qaýipti emestigin aıtýda.
Erli-zaıypty Elva men Alberta Pıllıod gerbıtsıdti shyǵarǵan Monsanto amerıkalyq kompanııasyna qarsy shaǵym túsirgen. Olardyń aıtýynsha, sonyń kesirinen hodjkındik emes lımfoma órship ketken.
Bayer Monsanto kompanııasyn byltyr 63 mlrd dollarǵa satyp alǵan bolatyn.
Aıta ketsek, 2015 jyly Halyqaralyq qaterli isikti zertteý agenttigi men DDSU Qaterli isikke qarsy kúres agenttigi dárilik zattyń «adamdar úshin kantserogendi bolýy múmkin» degen tujyrym jasaǵan edi.
