AQSh-ta qaterli isikke qarsy tájirıbelik vaktsına keıbir naýqastardy dertinen aıyqtyrdy
ASTANA. KAZINFORM — AQSh-ta qaterli isikke qarsy «amıvantamab» tájirıbelik vaktsına synaq barysynda keıbir naýqastardyń syrqatynan aıyǵýyna sebep bolǵan, dep habarlaıdy BelTA.
— «Amıvantamabty» qabyldaý buryn ımmýnoterapııa men hımıoterapııamen emdelgen bas pen moıynnyń jalpaq jasýshaly kartsınomasy bar naýqastarǵa turaqty oń áser etti. Rastalǵan reaktsııanyń jalpy kólemi — 42%. Patsıentterdiń úshten birinen astamy tolyǵymen oń reaktsııaǵa ıe boldy, — delingen Johnson& Johnson kompanııasynyń baspasóz habarlamasynda.
Aıta keteıik, vaktsınaǵa qatysty zertteýge 102 naýqas qatysqan. Preparat aýrýy qaıtalanǵan nemese dástúrli emge kónbeıtin jańa metastazdary paıda bolǵan patsıentterge qoldanylǵan.
«Amıvantamab» ınektsııasynan keıin naýqastardyń úshten birinen astamynda isikterdiń kólemi azaıǵan. 15 naýqasta isik tolyq joıylǵan.
Sondaı-aq bul ınektsııa ókpe qaterli isigi bar naýqastarda da oń nátıje kórsetkeni habarlandy.
Eske salaıyq, Qazaqstanda qaterli isikke qarsy dári klınıkalyq synaqtyń ekinshi kezeńine ótti.
