AQSh-ta qaskúnem 8 adamdy atyp tastady
ASTANA. QazAqparat - Amerıkanyń Mıssısıpı shtatynda atys bolyp, segiz adam oqqa ushty, dep jazady «Habar 24».
Shabýyl jasaǵan qaskóı eki eldi mekendegi úsh úıge oq jaýdyrǵan. Qaza tapqandar arasynda shuǵyl shaqyrý boıynsha jedel jetken jergilikti sherıftiń orynbasary da bar. Qazir 35 jastaǵy kúdikti Vıllı Korı Godbolt qamaýǵa alyndy.
Qaskóı 16-daǵy jasóspirimdi kepildikke alǵan bolatyn. Kepildegi bozbala aman-esen bosatyldy.
Aıta ketý kerek, Garvard ýnıversıtetiniń zertteýlerine sáıkes, AQSh-ta mundaı oqıǵa jyl sanap artpasa, kemimeı otyr. Tártip saqshylary qaýipsizdikti kúsheıte túskenimen, adam ólimi deregi eki aıda eń keminde bir ret bolyp turady.
