AQSh-ta qarjy alaıaǵyn 150 jylǵa temir torǵa otyrǵyzdy
ASTANA. 4 sáýir. QazAqparat - AQSh-ta qarjy alaıaqtyǵy úshin aıyptalǵan Florıdanyń 61 jastaǵy turǵyny Endrıý Hamılton Ýılıamsqa 150 jylǵa túrmege otyrǵyzýǵa úkim shyǵaryldy, dep habarlady Lenta.rý.
Bul týraly Federaldyq barlaý bıýrosynyń saıtynda málimdelgen. Úkim 30 naýryzda shyqty.
Sot sheshimimen úsh jyl jazasyn ótegennen keıin Ýılıams quqyq qorǵaý organdarynyń qadaǵalaýynda bolmaq.
Ýılıams ınvestorlardyń jyljymaıtyn múlikti kepildikke qoıǵan zaımdaryn óteýge ýáde bergen Metro Dream Homes kompanııasyn qurǵan. Klıentterden keminde 50 myń dollar ınvestıtsııalar salý talap etildi. Bul úshin qaskúnemder klıentterdiń bes-jeti jyl kepilde jatqan qaryzyn tóleýge tıis boldy.
Kompanııanyń gúldenip kele jatqanyna kóz jetkizý úshin alaıaqtar qymbat qonaqúılerde óz baǵdarlamalarynyń tanystyrylymdaryn ótkizgen. Olar klıentterdiń qaryzyn ınvestıtsııalardan alynǵan kirispen óteýge ýáde berdi, alaıda alaıaqtar jańa jarnalar esebinen burynǵy klıentterdiń qaryzdaryn jaýyp otyrdy.
Bul shema 2005-2007 jyldary áreket etti. Bul baǵdarlamaǵa myńnan astam adam 78 mıllıon dollarǵa jýyq qarjy saldy.
