AQSh-ta qarýly zorlyq-zombylyqqa qarsy aýqymdy sherý ótti
ASTANA. QazAqparat - Senbi kúni álemniń barlyq kóshelerinde júz myńdaǵan adam «Bizdiń ómirimiz úshin sherý» aýqymdy narazylyq aktsııasyna qatysty. Sherýshiler qarýly zorlyq-zombylyqqa qarsy sharalarǵa shaqyrýda, dep habarlaıdy QazAqparat The New York Times-qa silteme jasap.
Vashıngtondaǵy basty oqıǵaǵa Florıdadaǵy jappaı qyryp-joıýda, atysta tiri qalǵandar sherýge shyqty. Sherýdi uıymdastyrýshy stýdentterdiń biri «Revolıýtsııaǵa qosh keldińiz» dedi.
«Oqqa ushyp, kóz jumǵan jastardyń basyna gúl qoıý kúndelikti jaǵdaı bolyp ketti», - dep atap ótti 17 jastaǵy Edna Chaves óziniń Los-Andjelestiń ońtústigindegi aýdany týraly aıta kelip.
Manchester, Ulybrıtanııa qalalyq ýnıversıtetiniń professory G. Kıt Stıl senbi kúni Vashıngtondaǵy mıtıngke 180 000 adam qatysty dep boljap jasady.
Nıý-Iork meri Bıll De Blazıo óziniń Twitter-degi paraqshasynda sherýge kem degende 150 myń adam qatysqanyn málim etti. «Revolıýtsııanyń qashan bastalatynyn bilýlerińiz kerek», - dedi ol.
Álemge áıgili mýzykant Pol Makkartnı CNN tilshisine pıdjagyn sheship, «Qarýly zorlyq-zombylyqty toqtata alamyz» (We can end gun violence) degen jazýy bar fýtbolkasyn kórsetti.
«Meniń eń jaqyn dostarymnyń biri osy jerge jaqyn mańda qarýly zorlyq-zombylyq saldarynan qaza tapty, sondyqtan bul men úshin mańyzdy», - dedi ol «Bıtlz» tobyndaǵy joldasy Djon Lennon týraly aıta kelip. Ol 1980 jyly jeltoqsanda oqqa ushqan edi.
Aıta keteıik, Tokıo, Rım, Madrıd jáne Berlındegi amerıkalyqtar da osy kúni sherýge shyqty.
