AQSh-ta qarýly shabýyldan úsh adam qaza tapty
ASTANA. KAZINFORM — AQSh-tyń Tehas shtatyndaǵy San-Antonıo qalasynda jumys ornynda bolǵan qarýly shabýyl saldarynan úsh adam qaza taýyp, al qarý kezengen kúdikti óz-ózine qol jumsady, dep habarlaıdy Anadolý.
San-Antonıo polıtsııasynyń dereginshe, oqıǵa landshaft materıaldaryn satý kompanııasynda bolǵan. Shabýyldaýshy úsh áriptesin atyp óltirgen, al záresi qalmaǵan ózge qyzmetkerler ǵımarattan júgirip shyqqan.
Oqıǵa ornyna kelgen quqyq qorǵaýshylar birneshe saǵat ótken soń kúdiktiniń denesin tapty. Ol óz-ózine qol salǵan eken. Onyń 21 jastaǵy Hose Ernandes Galo esimdi azamat ekeni anyqtaldy.
Bılik bul shabýyldyń kezdeısoq bolmaǵanyn málimdedi, alaıda qylmystyń aq-qarasy áli de tergelip jatyr.
Aıta keteıik, Frantsııada polıtsııa pyshaqpen shabýyldaǵan adamdy atyp tastady. Al Anglııada poıyzda belgisiz bireý jolaýshylarǵa pyshaqpen shabýyldap, 10 adam jaraqat alǵan edi.