AQSh-ta qarsylasyn nokaýtpen jeńgen Jánibek Álimhanulyn dıskvalıfıkatsııalady
NUR-SULTAN. QazAqparat – Jánibek Álimhanuly AQSh-ta nokaýtpen jeńgen jeńisinen keıin dıskvalıfıkatsııalandy, dep habarlaıdy QazAqparat Sports.kz saıtyna silteme jasap.
Eske sala keteıik, 10 qazan kúni tańerteń orta salmaqta qazaqstandyq boksshy Jánibek Álimhanuly (9-0, 5 KO) kásibı rıngte kezekti jeńisine qol jetkizgen bolatyn. Ol Las-Vegasta Top Rank kompanııasynyń boks keshinde, ekinshi raýndta Argentına ókili Gonsalo Korııany (16-4, 6 KO) nokaýtpen jeńgen edi.
Osy aıqastan keıin Nevada shtatynyń Atletıkalyq komıssııasy eki boksshyǵa da sharshy alańǵa shyǵýǵa shekteý qoıdy. Jánibek bıylǵy jyldyń 24 qazanyna deıin judyryqtasa almaıdy, al onyń qarsylasy uzaq merzimge, 9 jeltoqsanǵa deıin shettetildi. Bul «dıskvalıfıkatsııa» medıtsınalyq sıpatqa ıe, ıaǵnı aıqastan keıin boksshylardyń durys qalpyna kelýleri úshin qajet.
